ҚОРДАЙ
Тасы да алтын, Қордайдың тауы да алтын,
Басы да алтын, Қордайдың, бауыры да алтын –
туған жер.
Егінге бай, малға жәй, топырағы май,
Шөбі шүйгін көк торғын, желі салқын –
туған жер.
Қ а й ы р м а с ы:
Компартия данамыз,
Қордайда өскен баламыз.
Еңбек десе екпіндеп,
Шаттық әнге саламыз.
Мақтарлықтай Қордайдың тау, даласы,
Мөлдір бұлақ, күміс су сай-саласы –
туған жер.
Көлемінде гүлденген колхоз, совхоз,
Еңбек сүйгіш, кең пейіл кәрі, жасы –
туған жер.
Қ а й ы р м а с ы.
Көз жіберсең Қордайдың аймағына,
Өсіп жатыр көбейіп мал, жаны да –
туған жер.
Партияның бастаған арқасында,
Гүлденіп тұр қарасаң қай жағына –
туған жер.
Қайырмасы.
1959