ЫСТЫ АҒАЙЫНҒА

Қадірлес қатар жатқан ысты ағайын,

Ынтымақ, берекесі күшті ағайын,

Құрметті көп көріп ем, ардақты елім,

Мен-дағы тойға кел деп еске алайын.

Бөлтірік тілге шешен жеңілмеген,

Өткен ақын онымен теңелмеген.

Атанып бала жастан дүлдүл ақын,

Сүрініп тілге келсе, бөгелмеген.

Таз, Құланшы, атасы Есім – Малай,

Атақты адам өткен талай-талай.

Қайсыбірін айтайын өткендердің,

Тойға өзің келе гөр, Шәйім ағай!

Ел едік қатар жатқан Ысты, Дулат,

Төскейде мал,  төсекте аунап-қунап.

Есіме алып ертерек шақырмасам,

Кетірерсің мазамды бәрің шулап.