БОЗТОРҒАЙ

Бозторғай, шырылдайсың жерге түспей,

Мен жүрмін кешке дейін тамақ ішпей.

Ат қылып ақ таяқты қолыма ұстап,

Сандалып қой соңында азар кешке…

Қ а й ы р м а с ы:

Бозторғай, шырылдайсың, шіркін-ай,

Құтылар күн бар ма екен,

Қой жаюдан бір күн-ай,

Бозторғай!

Отырсам қой күзетіп таң атпайды,

Жүргенде малды бағып кеш батпайды.

Қарайтын қабағыма бір адам жоқ,

Бел шешіп, жылы орынға бір жатпаймын.

Қайырмасы.

Жүгіріп қозыны айдап сайға барсам,

Татиды талқан шекер шайнай қалсам,

Шерімді ішімдегі мен төгемін,

Жүрегім басылғандай әнге салсам.

Қ а й ы р м а с ы.