КӨК ДҮЛДҮЛ

Су жаңа көк дүлдүлді қартайғанда,

Туған ел сыйға берді, той болғанда.

«Бозторғай» әнін шырқап, құттықтап тұр:

«Зарлаған қойшы Кенен арман бар ма?»

Мінгенім желден жүйрік дүлдүл болды,

Кигенім торғын-торқа күлгін болды.

Бастаған партияның арқасында,

Сыйлаған құшақ тола гүл-гүл болды.

Айтамын Отан үшін ән мен жырды,

Қартаймай жырлай берем мына күнді,

Жеткенде жетпіс беске жігерленіп,

Орнына Көкшолақтың дүлдүл міндім.

1959