МЕНІҢ ҰСТАЗДАРЫМ

Кәсібім жастайымнан ән мен өлең,

Әзірбай әкем екен, атым Кенен.

Өнерім бойымдағы жалғыз осы,

Сұрасаң сырыңды айт деп халқым менен.

Анам Ұлдар әнші екен, әкем де ақын,

Ұстазым Сарбас ақын дүрілдеген.

Шашубай мен Шолақтың әнін естіп,

Мен де сондай болсам деп дірілдегем.

Ақындардың дүлдүлін сонда көрдім,

Даусын естіп Жәкеңнің күмбірлеген.

Қырғыздың Тоқтоғұл мен Қалмырзасы,

Еліктіріп әкетті жырыменен.

1954