МІНЕ, СОНДА ТАЗАЛЫҚ

Қандай болар тазалық,

Енді соны жазалық.

Киім таза болғанмен,

Жүректе болмай арамдық,

Қоғамға қол сұқпаса,

Міне, сонда тазалық.

Шын тазалық жүректе,

Шын сұлулық еңбекте.

Көптің малын ұрлама,

Сезімін сатып пұлдама –

Міне, сонда тазалық.

Ескі әдетті тастаңдар,

Жаңа жолға бастаңдар.

Міне, сонда тазалық.

Қоғам мүлкін қорғаңдар,

Сенімді бол, бар жанға,

Адал болса жүрегің –

Жұрт ілеспей қалар ма!

Ынтымақты болсаңдар,

Сырттан жау кеп алар ма!

Досыңа да адал бол,

Жауыңа да әділ бол,

Міне, сонда тазалық.

1943