МӨРТАЙ СҰЛУ

Сенің аулың Қордайдың қырасында,

Менің аулым жартастың жырасында.

                                                   Мөртай-ай!

Тал бойында тарыдай бір мінің жоқ,

Тоты құстай бұралып тұрасың ба?

                                                 Мөртай-ай!

Қайырмасы:

Туған жерің Қызылқұр,

Сұлу Мөртай қайда жүр,

Анда-санда көрсем де,

Сүйген қалқам аман жүр.

Сенің аулың Қордайдың кезеңінде,

Біздің ауыл Қопаның өзенінде,

                                                 Мөртай-ай!

Ауылың алыс кеткенде, сұлу

Мөртай, Өшпейтін от жанады өзегімде,

                                                                   Мөртай-ай!

Қайырмасы:

Сен де арманда, Мөртайжан, мен де

                                                 арманда,

Екі ғашық қосылар заман бар ма?

                                                 Мөртай-ай!

Қалың малға сатылып сен кеткенде,

Зар еңіреп мен қалдым, амал бар ма,

                                                 Мөртай-ай!

Қайырмасы.